Nakleng
Naklem'am
Qimugtii

Igartek Michael B. & Nita Rearden
Pilinguarta Nita Rearden
Computer-aakun Pilingualleq Cara Brunk
A-kess-kess-kess-kess, a-kess-kess-kess!
Nak'lemaq qanertuq. "Qimugkaraqa nanta?"
Naklem'am yuaraa enem aciani.
Yuaraa mamteram tunuani.
Yuaraa maqiviim avatiini.
Taugaam Naklem'am nalaqenritaa.
Naklem'am qimugtii tamartuq!
Naklem'am tangrraa Apa'urluni tailria tua-llu
aptaa, "Ap'a, tangellruan-qaa qimugkauyarqa?"
Tua-llu kiarrlunuk kipusviim aciani."
Apa'urluum quuyurnitaa Naklem'aq tua-llu
qanrutaa, "Qang'a, tangeqsaitaqa qimugten.
Kiarrluk maani nunami, ikani-llu kuigem akiani.
Naklem'am Apa'urluni-llu yuaraak nunani.
Kiartuk-llu kipusviim aciani.
Yuaraak pucuunam iluani.
Taugaam tangenrritaak Naklem'am
qimugtii. Nakleng Naklem'aq!
Naklem'aq Apa'urluni-llu utertuk
unauggun enemegnun. Naklem'aq
qiaguq, apa'urluq-llu iluteqluni.
"Kaaka!" Naklem'aq qanertuq.
"Niitua camek." Nak'lemaq Apa'urluni-llu
niicugniuk. Niituk qimugkauyarmek
uaralriamek naken, yaaqsigpek'nani.
"Tang! Qimugten elakam iluani!"
Qanertuq Apa'urluq.
Naklem'am teggua qimugteni elakamek
tua-llu qumigaa iluanun.
Tua-llu Naklem'aq Apa'urluni-llu tag'uk
pataglutek enemegnun.
Narration byWassilie Henry
Elliak qimugkauyaraq kaminiam tunuanun
urugcirluku-llu. Naklem'aq quyaqapiartuq!